JTBC ၏ ဒရမ်မာ ဇာတ်လမ်းတွဲတစ်ခုဖြစ်တဲ့ “The World of the Married” ၏ကျန်ရှိသော အပိုင်းများဟာ 19+ အဆင့်သတ်မှတ်မည်ဟုကြေဌာခဲ့ပါတယ်။ထိုဇာတ်လမ်းတွဲကတော့ အိမ်ထောင်ရေးဖောက်ပြန်မှုတွေ၊ချစ်ခြင်းမုန်းခြင်းတွေကြောင့် ပြိုကွဲသွားရတဲ့ အိမ်ထောင်တစ်ခုရဲ့ အကြောင်းကို ရိုက်ကူးပုံဖော်ထားတာလည်းဖြစ်ပါတယ်။ ထိုဇာတ်လမ်းမှာ သရုပ်ဆောင် Kim Hee Ae ကတော့ Ji Sun Woo အဖြစ် မိသားစုဆရာဝန်နေရာမှာ သရုပ်ဆောင်ထားပါတယ်။
ဇာတ်လမ်းအစပိုင်းမှာတော့ သူမက မိသားစုဘဝလေးကိုအေးအေးချမ်းချမ်းနဲ့ ဖြတ်သန်းနေခဲ့တာပါ။ ဒါပေမယ့် ခင်ပွန်းကို သံသယစိတ်ဝင်လာပြီးနောက်မှာတော့ သူမရဲ့ ဘဝဟာပြောင်းလဲမှုတွေစတင်လာပါတော့တယ်။ ထိုဇာတ်လမ်းမှတော့ အိမ်ထောင်ရေး အရှုပ်တော်ပုံတွေကိုမြင်တွေ့ရမှာပါ။ ဧပြီလ ၂၃ရက်နေ့မှာတာ့ ထုတ်လုပ်ရေးကုမ္ဗဏီမှ “ ဧပြီလ ၂၄ရက်နေ့တွင် ထုတ်လွှင့်မယ့် အပိုင်း ၉မှ စတင်ကာ ကျန်ရှိသော အပိုင်းများအား 19+ အဆင့်သတ်မှတ်မည်ဟုကြေဌာခဲ့ပါတယ်။
သူတိုက “ဇာတ်ကောင်တွေရဲ့ အချစ်အမုန်းသာယာမှုနဲ့ ပဋိပက္ခတွေကို လက်တွေ့ကျကျပုံဖော်ပြသနိုင်ရန် အတွက် ကျန်ရှိသော ဒုတိယပိုင်းဇာတ်လမ်းတွဲများကို 19+ သတ်မှတ်ခဲ့တာဖြစ်ကြောင်း”ပြောကြားခဲ့ပါတယ်။ ဆက်လက်ပြီး ကုမ္ဗဏီမှ “ထို ထုတ်လွှင့်မှုနဲ့ ပက်သက်ပြီး ပရိသတ်တွေရဲ့ ဝေဖန်သံတွေကိုလည်း ကျွန်တော်တို့ဘက်က ဂရုတစိုက်နဲ့ နားထောင်သွားမှာပါ။ “The World of the Married” ကိုကြည့်ရှုအားပေးကြတဲ့ ပရိသတ်အားလုံးကိုကျေးဇူးတင်ပါတယ်”လို့ပြောကြားခဲ့ပါတယ်။
ဧပြီလ ၂၄ရက်နေ့ နေ့လည် ၂နာရီမှာတော့ JTBC ရဲ့ တရားဝင် Youtube Channel မှာ online ဆွေးနွေးပွဲတစ်ခုပြုလုပ်ကြမှာဖြစ်ပြီး သရုပ်ဆောင်တွေလည်းထိုပွဲကို တက်ရောက်ကြမယ်လို့သိရပါတယ်။ “The World of the Married” ရဲ့ အပိုင်း ၉ ကိုတော့ ဧပြီလ ၂၄ရက်နေ့ ကိုးရီးယားစံတော်ချိန် ည ၁၀နာရီ ၅၀ မိနစ်မှာ ထုတ်လွှင့်ပြသပေးမှာလည်းဖြစ်ပါတယ်။